RUSTY TABALANZA
Napasarap ang kwentuhan namin ni Sebastian kaya hindi ko na namalayan ang oras. Bukod sa masarap siyang magluto, ay masarap ding siyang kausap kaya nga inabot na ako ng alas-otso sa tirahan niya. Sa ilang oras naming magkasama ay marami na akong nalaman tungkol sa kanya, samantalang ako ay hindi man lang nagkwento ng tungkol sa buhay ko.
Hindi naman siya nagtanong kaya wala rin akong dahilan para sabihin sa kanya ang totoo. At ang isa pa, ayaw ko ring sabihin sa kanya na asawa ko si Krypton lalo pa at nakita niya kanina na si Bella at Krypton ang magkasama, at ang masama pa ay naghalikan ang dalawa. Ayoko na may isipin siyang hindi maganda kay Krypton.
“Hindi ka ba nalulungkot dito?” tanong ko sa kanya. Nasa tabi kami ng unit niya at kasalukuyan na tinitingnan ang night
