RUSTY TABALANZA
Agad akong napahawak sa hamba ng pinto makaramdam ako ng hilo. Ang buong akala ko ay babagsak na ako nang tuluyan pero nasalo agad ko ni Krypton na mabilis palang nakalapit sa akin.
“Tsk! Look at you! Basang-basa ka. Saan ka ba nanggaling?!” Salubong ang kilay niya, at mataas ang tono ng boses niya, pero ganoon pa man ay masaya ako dahil concern pala siya sa akin.
Gusto ko sanang mag-inarte para naman amuhin niya ako, ang kaso ay inaantok na ako, plus nilalamig na rin.
At bigla namang sumagi sa isipan ko na buong maghapon silang magkasama ni Bella kaya kinalas ko ang pagkakahawak niya sa baywang ko kahit pa ang sarap sa pakiramdam na madaiti ang balat niya sa balat ko.
“Gusto ko nang matulog. Pagod ako,” sabi ko sa kanya. Dahil may soundproofing ang bahay na ito ka
