RUSTY TABALANZA
“Ano raw ang pangalan ng lalaki mo?”
Ehhhhhhhh?
“Ano raw?! Sino namang lalaki ko ba?” Dahil sa sinabi niya ay halos malunok ko ang isang buong burger. Charot! Gagi naman kasi itong si Krypton, basta-basta na lang kung magsalita. Akala mo talaga ay may lalaki ako.
Ano ba ang nangyayari sa lalaking ‘to?
Tiningnan ko siya nang nakataas ang kilay ko. Napapantastikuhan ako sa kanya, promise! Mukhang kanina pa lutang ang lokong ‘to, eh. Hindi ko naman alam ang dahilan.
Baka si Bella?
Baka nga.
Sabagay, hindi ko nakikita ang babaeng iyon. Himala lang.
“Iyong nakilala mo sa university,” kaswal na sagot niya. Iyong tipong sobrang kaswal na parang tatay ko siyang nahuli ako sa akto na may ginagawang kalokohan.
“Aba malay ko. Hindi ko nga alam kong sino ang lalaking si
