KRYPTON SALAZAR
“Ha?” saad niya na napakurap-kurap pa, pagkatapos ay humikab na para bang tamad na tamad na kausap ako.
Hindi halata sa mukha ni Rusty na nagulat siya sa presensiya ko. She looks calm as if I didn’t catch her cheating.
“Nandito ka na pala sa Manila.” Tumango siya. “Papasok na ako sa loob, baka hinihintay na ako ng kapatid ko. Baka gusto mong pumasok?”
Iniwasan ko ang mapangisi dahil sa sinabi niya. Napasuklay na lang ako sa buhok pagkatapos ay lumapit sa kanya at tumango. Sabay pa kaming pumasok sa loob. At doon ay naabutan namin na kumakain ang kapatid niya at si Aling Miranda.
Agad kong inilibot ang paningin ko sa kabuuan nitong kwarto ng kapatid niya. Walang TV, at ang mayroon lang ay ang sofa na mahaba.
“Saan ka matutulog, Rusty?” mahina kong tanong sa kanya.
