RUSTY TABALANZA SALAZAR
Mabilis na lumipas ang araw. Saktong isang linggo nang makalabas sila Nanay at Tatay sa hospital. Laking pasalamat ko kasi hindi kami pinabayaan ni Krypton. Nasa tabi ko siya parati at nakaalalay. Sila Lola Esmeralda at Lolo Patrick naman ay dalawang beses na dumalaw at nagdala ng pagkain.
Ngayon nga ay nasa isang apartment sila na kinuha ko sa kanila. Dadalawin namin sila ngayon ni Krypton, at siya ang nag-aya. Wala yatang gagawin kaya gustong magliwaliw.
Sa ilang araw na magkasama kaming mag-asawa ay hindi namin napag-usapan ang tungkol sa gusot na nangyari sa isla. Doon pa lang kasi sa hospital, parang ayos na kami. Walang nagtanong. Ni hindi siya nag-usisa sa bagay na nakita niya sa amin ni Sebastian. Sabagay, ang paghalik na iyon ay wala lang. Hindi ko rin
