RUSTY TABALANZA
“What’s with this place?” tanong sa akin ni Krypton.
Natural na magtanong siya lalo pa at sa dami nga naman ng lugar na puwede kong puntahan ay dito pa sa sementeryo. Malungkot akong tumingin sa kanya bago ko ipinagpatuloy ang lakad ko sa dako pa roon.
“Sino ang dadalawin mo rito, Rusty?”
Rusty ..
Oo, Rusty pa rin ang tawag niya sa akin. Hindi baby, hindi sweetheart, hindi honey, kundi Rusty. Ang sweet talaga ng putragis.
Naglakad lang ako nang naglakad hanggang sa marating ko ang puno na masiyadong mayabong ang dahon at bunga. Puno ito ng mangga na hitik na nga sa dahon, hitik pa sa bulaklak at bunga.
Umupo ako sa damuhan at napapikit nang umihip ang preskomg hangin. Nang magmulat ako ng mga mata ay nakita ko si Krypton na nakatunghay sa akin.
As usual, salubo
