RUSTY TABALANZA
Natahimik ang gago kong asawa dahil sa sinabi ko. Pero, mabuti na rin na nakapag-usap kami nang ganito dahil nasabi ko sa kanya ang totoong saloobin ko. Mahal ko na kasi talaga ang loko. Siyempre, mahirap para sa akin ang sitwasyon ko dahil hindi naman ako tanga para hindi malaman na iba ang mahal niya.
Kaya nga yata hindi siya makapagsalita, dahil baka tinitimbang niya pa ang mga sinabi ko.
Sa gilid ng mata ko ay nakita ko siyang umayos ng upo. Ginaya niya ang pustora ko na nakatukod ang dalawang kamay sa likuran.
Akala ko ay hindi siya magsasalita pero nagkamali ako.
“Sorry...” saad niya. Sa sinabi niya pa lang na iyon ay nasaktan na ako. Alam ko naman kung bakit siya nagso-sorry.
Ngumiti ako. “Okay lang. Ano ka ba... Ang laki na kaya ng ginawa mo sa aking pabor
