RUSTY TABALANZA SALAZAR
“Wha—what—ano ang ginagawa mo rito?” Halos hindi na ako magkandatuto sa pagsasalita dahil sa pagkabigla sa presensiya ni Sebastian. Sino ba naman kasi ang mag-aakala na darating siya ngayon sa mismong bahay pa na binili ni Krypton para sa pamilya ko?
Ngumiti ang binata sa akin. “I—no, I mean, we want to congratulate you...”
“We? Sinong we?” nagtataka kong tanong at tumayo na rin dahil nakatayo na rin naman si Krypton.
Paglingon ko sa mga kasamahan namin dito sa loob ng bahay ay nakatulala na rin pala sila kay Sebastian. Sabagay, hindi ko sila masisisi kung matulala man sila sa bintana kasi gwapo nga ito. Nagkataon lang talaga na mahal ko si Krypton kaya hindi ko pinapansin si Sebastian kahit mukhang may gusto siya sa akin.
Nang lumapit sa amin sila Nanay at T
