RUSTY TABALANZA SALAZAR
Simula nang makilala ko ang tunay na pamilya ko ay naging maayos ang naging takbo ng buhay. Hindi ko na naranasan ang maging malungkot kahit isang segundo dahil kumpleto na ang buhay ko. Kung may problema man kaming kinakaharap sa araw-araw ay hindi na lang namin iyon iniinda at sinusulosyunan na lang.
Kung ang lagay ko sa dating pamilya ko ang tatanungin, ay mas naging maayos pa iyon lalo pa at parati akong pumupunta roon kasama ang kambal ko sa tuwing wala akong pasok.
Tulad ngayon, Linggo at kasalukuyan kaming papunta ni Shane at ni Miranda sa mall para mamili ng gamit para sa bahay na binili ng kakambal ko. Hindi namin kasama si Sebastian dahil may lakad ito kasama si Krypton. Kung saan ay hindi ko alam.
Hindi naman ako mausisang asawa lalo pa at alam ko n
