*Deveraux POV*
Nagising ako dahil sa ingay na naririnig ko mula sa labas ng bahay. Wala na sa tabi ko si Wes, nakatulog pala ako kanina habang nanonood ng TV. Alas-sais pa kasi ang alis namin kaya nagpalipas muna kami ng oras sa panonood. Isang linggo na lang ay papasok na ako sa Hamilton Academy, baka hindi na ako masyadong maka-nood ng mga gig ni Wes dahil siguradong kakailanganin ko na ang maagang tulog at hindi na ako pwedeng magpuyat.
Agad akong tumayo upang silipin ang mahihinang halakhak mula sa labas ng bahay ni Wes. Tila boses iyon ng isang bata na tumatawa. Dinig ko rin ang baritonong boses ni Wes.
"Eh alam mo ba kung anong bansa ang may pinakamadaming capital?" tanong ni Wes sa bata. Siguro ay nasa sampu pa lang ang edad nito. Nanatili lang akong nakasilip sa pinto at hindi n
