Katulad ng dati ay marami na namang tao sa bar kung saan tutugtog ang Buzz Tone. Nagkalat ang mga nakaparadang sasakayan mula sa labas. Hawak-hawak ni Deveraux ang kamay ni Kiko at si Roz naman ay nagpatiuna ng maglakad papasok sa loob. Bitbit nito ang iba pang mga gamit ni Wes.
"Let's go," ani Wes sa kanya at hinawakan sya nito sa baywang papasok sa loob ng bar.
Marami agad ang sumalubong sa kanila at nilagpasan nila iyon dahil alam nyang hindi komportable si Wes. Hindi na nya ito pinilit na sumama sa mga nagpapa-picture dahil may bata silang kasama at baka maipit pa ito kapag pinagkaguluhan si Wes.
"Boss kain daw muna," ani Roz sa kanila at sumenyas pa ito. Nasa backstage na sila at naroon na rin sila Zacharias na iba ang sinakyan. Puno ng tanong ang mga mata nito ngunit hindi naman n
