Nakangiti si Deveraux habang nilalanghap ang mabangong amoy ng kanyang niluluto, nagugutom na sya dahil sa amoy niyon. Sinulyapan nya si Wes na busy sa pinapanood nito. Mas lalo syang napatawa nang makitang spongebob ang pinapanood nito. May pagkaisip-bata pala itong si Wes, wala sa itsura nito iyon dahil nagbabanda ito at rakista ang datingan. Kumbaga ay lalaking-lalaki at matigas.
Naramdaman yata nitong nakatingin sya kaya lumingon ito sa kanya, ang ganda ng pagkakangiti nito. Parang kiniliti ang puso nya dahil sa ngiting iyon.
"Alam kong gwapo ako, huwag mo naman ako masyadong titigan," panunukso nito sa kanya kaya mabilis nyang binawi ang ngiti nya, ang walanghiya malakas din pala ang hangin na taglay.
Narinig nya ang mahinang halakhak nito at pagkatapos ay tumayo, lumapit ito sa k
