Isang linggo matapos maganap ang insidente sa Hamilton Academy, hindi na nakita ni Deveraux ang anino ni Wes Flores. Wala na syang balita dito, sa buong linggo na iyon ay wala syang ibang ginawa kundi ang umiyak. Madalas na matutulala sya sa isang tabi at pagkatapos ay bigla na lang syang maluluha.
Sobra syang nasaktan sa mga nangyari noon at hanggang ngayon ay aaminin nyang labis pa din syang nasasaktan.
Hindi nya lubos maisip na naloko lang sya, pinaniwala sya sa mga kasinungalingan at kinuha ang loob nya pagkatapos ay bigla na lang syang bibitawan na parang isang basura.
Sino nga naman ba ang magkakagusto sa kanya? Ang pangit pangit nya at mayroon pa syang peklat sa mukha. Tama naman si Wes eh, sikat na tao ito at wala syang laban sa dami ng babaeng nagkakandarapa dito.
Masyado syan
