Maagang gumising si Deveraux upang pumasok sa bakery ngayong araw, inasikaso nya muna ang Lola nya at mamayang tanghali ay dadalhan na lang nya ito ng pagkain. Kasalukuyan itong nagwawalis ng bakuran nila.
"Lola papasok na po ako," paalam nya, nilingon sya nito at kapagkuwan ay tumango.
"Mag-iingat ka apo," anito sa kanya.
"Opo Lola," sagot naman nya.
Tumalikod na sya dito at naglakad na papunta sa pinapasukan nilang bakery. Hindi naman yun kalayuan sa kanila, sayang din kung mamamasahe pa sya ng sampung piso.
Pagkarating nya ay agad nyang natanaw si Shane na nagpupunas ng istante, napangiti sya bago tuluyang pumasok sa loob.
Gulat na gulat naman ito pagkakita sa kanya.
"Oh Deveraux nasaan ka ba kagabi? Hinahanap kita sa inyo wala ka naman. Akala ko tuloy ay hindi ka papasok ngayon.
