Maaliwalas ang kapaligiran sa labas kaya naman hindi magawang alisin ni Wes ang tingin nya roon. Nakabukas ang bintana mula sa kanyang bahay at bahagyang tinatangay ang kurtina dahil sa sariwang hangin na pumapasok dito. Rinig nya ang paghuni ng mga ibon na tila nag-aawitan, ang liwanag na dala ng sikat ng araw ay masaya nyang sinalubong.
Pakiramdam nya ay may bago sa nararamdaman nya ngayon, magaan ang loob nya at hindi nya maiwasang mapangiti.
Siguro kung may makakakita sa kanya ngayon ay iisipin na namamatanda sya, ano nga bang nangyayari sa kanya? Hindi nya rin alam. Isang babae lang naman ang naiisip nya na nakapag-papagaan ng loob nya at walang iba iyon kundi si Deveraux. Simula ng makilala nya ito ay kusa ng lumalabas ang ngiti sa labi nya. Hindi naman sya ganoon nung una.
Minsa
