Nakatulala si Deveraux mula sa bintana ng kanilang bahay. Nakatingin sya sa mga bituin na nagkalat sa kalangitan. Ang lungkot-lungkot nya simula pa kahapon.
Nawawala si Wes.
Kaya pala ilang araw na itong hindi sumusundo sa kanya sa iskwela. Kaya pala kinakabahan sya at mabigat ang pakiramdam nya. Ilang araw na pala itong nawawala.
Nasaan na kaya si Wes?
Kung umalis lang ito bakit hindi man lang ito nagpaalam?
Iniwan na ba sya nito?
Ayaw nyang isipin na nasa kamay ng mga taong halang ang bituka si Wes. Hindi nya kakayanin kapag may nangyaring masama sa taong mahal nya. Sa taong iniibig na nya.
Pinahid nya ang luhang kumawala sa gilid ng mga mata nya.
Sana ay walang nangyaring masama kay Wes. Umaasa sya na isang araw ay muli itong uuwi at magkikita ulit sila.
Hanggang ngayon ay wala
