Mabilis na sumapit ang mga araw at nasa poder pa din nila Brando si Wes. Tatlong araw na ngayon simula ng dukutin sya ng mga ito sa La Union. Patuloy syang pinapahirapan ng mga ito at pilit pinapaamin sa pagkamatay ni Brenda. Labis na ang panghihina nya. Pero kailangan nyang labanan iyon. Hindi pa sya dapat mamatay. Madami pa syang dapat gawin.
"Brando pwede na siguro nating tapusin 'yan," dinig nyang sabi ni Paul. Nag-uusap ang mga ito at umiinom ng alak.
Nakatagilid sya ng higa sa semento at nagkukunwaring walang malay habang nag-uusap ang mga ito.
"Oo tatapusin na natin 'yan pero may kailangan pa kong gawin eh," ani Brando.
"Ano 'yon?" tanong naman ni Paul.
"Yung babaeng kasama ni Wes noon, tingin mo ba ay nobya nya iyon? Gusto ko din sana na gawing impyerno ang buhay nya," ani Br
