"Narinig mo ba yung balita? Magpapakasal na naman daw yan sa isang Velasquez..."
Napahinto ako sa pagpili ng gulay sa palengke ng araw na iyon. Kasama ko si Manang Tina pero iniwan muna niya ako para makabili siya ng karne sa loob. Ako na kasi ang nag-presinta na bibili ng gulay.
"Talaga ba? Naku manunuhog pala ng Velasquez yan. Ang landi!" may diin na sabi ng tindera.
Inabot ko ang mga gulay na napili ko para timbangin nila. Ang mga mata ng dalawang nag-uusap na babae ay parang kutsilyo na tumutusok sa akin.
"Dalawandaan ang lahat ng ito." mataray na sabi nung tindera.
Tahimik na humugot ako ng pera sa pitaka ko at inilagay sa isang maliit na plastic container kung saan nilalagay ang bayad. Dahil sakto naman yung pera ay kinuha ko na agad ang pinamili ko.
"Salamat po." iyon na l
