Linggo ngayon at walang pasok si Hope. Nasa mall sila ng kanyang anak na si Scarlet para bumili ng kakailanganin nito sa eskwelahan gaya ng bag, notebook, lapis, krayola at iba pa. Gusto sanang sumama sa kanila ni Marco, pero pinauwi ito sa probinsya ng tita nito kaya ilang araw itong mawawala at hindi nila makikita. Umiyak pa nga si Scarlet nang magpaalam ito sa kanila. Talagang naging malapit na ang dalawa sa loob ng maikling panahon.
Mahigpit niyang hinawakan ang kamay ng anak dahil maraming tao sa mall. Natatakot siya na baka mawala ang kanyang anak. Alam niyang mahihirapan siya sa paghahanap dito kung saka-sakaling mawala ito dahil masyadong malaki ang mall.
“Yong kailangan mo lang sa school ang bibilhin natin, Anak, ha? Kung hindi naman natin kailangan ay huwag na natin bilhi
