“Bakit hindi mo sinabi sa akin na hindi lang pala ito ang unang beses na sinaktan ka niya?” galit na tanong ni Davis kay Hope. Hindi agad siya nakasagot dahil natatakot siya sa binata. Galit na naman kasi ito. “Kung hindi ko pa nakita ang CCTV, hindi ko pa malalaman. Dapat sinabi mo para nagawan ko kaagad ng paraan. Alam mo naman na ayaw kong may nananakit sa ‘yo, eh.”
Napayuko siya. “Sorry.” Halos maluha na siya dahil nakikita na naman niyang galit ang binata at alam niyang kasalanan niya ‘yon. Nilihim niya. Naglihim siya dito. “Hindi ko naman kasi inaasahan na aabot sa ganito. Ayaw ko din kasi ng gulo kaya hindi ko na sinabi. Sorry, sorry, sorry.” Tuluyan na siyang umiyak.
Sinong mag-aakala na sa kabaitan na pinapakita niya at pananahimik ay may tao pa ring magagalit sa kanya. Hindi na
