Nakatingin sa buong bahay si Davis sa inuupahang bahay ni Hope. Maliit pala talaga ito. Mas malaki pangtingnan ang kwarto niya kaysa sa bahay ni Hope. Mas gusto tuloy niya ilipat ng tirahan ang dalaga, sa mas malaki kung saan mas magiging komportable ito. Sa isang apartment kung saan kompleto na ang lahat ng mga gamit at wala na itong poproblemahin.
Iyon talaga ang gusto niyang gawin at isa lang naman ang problema niya, ang dalaga. Ayaw nitong pumayag. Papayag lang daw ito kapag nakaalala na siya, pero paano? Hindi pa gano’n kabuo ang mga alaala niya tungkol dito. Kaunti pa lang at alam niyang hindi pa ‘yon ang lahat.
Naghanap siya ng picture ng dalaga o ng anak nito pero ni isa ay wala siyang makita. Ni isang litrato sa bahay nito ay wala. Hindi ito gaya ng mga bahay na napupuntahan ni
