Kinabukasan ay pinuntahan ni Hope si Davis sa opisina nito para sana kausapin ito. Hindi pa rin kasi siya nito tinatawagan at kung tawagan man niya sa cellphone nito ay hindi naman sinasagot ng binata. Hindi niya maiwasan na kabahan sa inaasta nito. Nakita niya si Dennis na nag-aayos ng mga gamit nito sa mesa nito.
“Good morning, Miss Dennis.” Napatingin ito sa kanya saka napakunot-noo. “Itatanong ko lang sana kung pumasok na ba si Mr. Montefalco.”
Tumaas ang kilay nito. Basi sa nakikita niya ay hindi siya nito gusto. Imposible naman na hindi pa nito alam ang tungkol sa kanila ni Davis. Mabait si Dennis sa kanya pero sa palagay niya ay mas malapit ito kay Saya kaya parang galit ito sa kanya ng malaman ang balita.
“Wala siya, eh.” Bumalik ito sa ginagawa niya. “Busy siya ngayong araw. Pu
