Nakahinga nang maluwag si Hope nang hindi napansin ni Davis ang pamumula ng magkabila niyang pisngi. Mas naka-focus kasi ito sa selos na nararamdaman nito ngayon. Mabuti na lang talaga at hindi napansin ni Davis dahil alam niyang hindi talaga nito palalampasin ang mga taong gumawa nito sa kanya. Ayaw niya lang nang gulo at alam niyang mas lalong magagalit si Steph sa kanya kapag napaalis ito sa kompanya dahil sa ginawa nito sa kanya. Huminto ang sasakyan sa harap ng compound.
“Salamat sa paghatid,” nakangiti niyang pasasalamat dito. Bubuksan na sana niya ang pinto nang pigilan siya ng binata. Hinawakan nito ang kamay niya dahilan para muli siyang mapalingon dito. “Bakit?” Bigla siyang kinabahan dahil baka napansin nito ang pamumula ng pisngi niya. Agad niya itong tinakpan para hindi ma
