NAGISING si Kelvin nang hindi niya makapa si Gella sa kanyang tabi. Pagdilat niya ay nakumpirma niyang wala nga ito sa kanyang tabi. Napakurap siya. "Gella?"
May kung anong pumitik sa sentido niya. "f**k you, hangover." Luminga siya sa paligid. Mayroon nang baso ng tubig at isang aspirin sa ibabaw ng bedside table. Siguradong si Gella ang naglagay niyon doon. Napatingin siya sa suot niya. Hindi iyon ang suot niya kagabi, marahil ay binihisan din siya ni Gella.
Napangiti siya. Noon pa man ay inaalagaan na siya ni Gella. Pero mas masaya sa pakiramdam ang pag-aalaga nito ngayon dahil mag-asawa na sila. Hindi niya akalaing magiging ganoon siya kasaya sa pag-aalaga nito sa kanya.
Na-guilty tuloy siya dahil naglasing siya kagabi. Pinagbigyan lang naman niya ang mga kaibigan niya pero nang kul
