NAPANGITI si Kelvin habang hawak ang isang baso ng scotch at sumasabay sa nakakaindak na musika sa isang bar. Kasama niya roon ang mga empleyedo niya, pati na ang ilang kaibigan, bilang selebrasyon sa katatapos lang na malaking proyekto ng kompanya nila.
Na-miss niya nang husto ang night life. Sa nakalipas na dalawang linggo mula nang ikasal sila ni Gella, ngayon lang uli siya nakagimik. Bukod sa binabantayan niya si Gella ay seryoso na rin siya sa pagpapatakbo ng kompanya nila. Hindi niya inakalang nakakapagod din pala ang magpakatino, lalo na para sa tulad niyang ni minsan ay hindi inisip magkaroon ng sariling pamilya.
Wala naman sigurong masama kung magpapasarap muna siya ngayong gabi. It was Saturday night anyway.
"Long time no see, Kelvin."
Natigilan siya nang dalawang babae ang p
