"KELVIN, hindi ka dapat naging bastos sa harap ni Chloe kanina," naiinis na sabi ni Gella kay Kelvin pagpasok na pagpasok pa lang nila sa bahay.
Nilingon siya ni Kelvin. Walang emosyon sa mukha nito. "Paano ako naging bastos?"
Ipinaikot niya ang kanyang mga mata. "You were very sarcastic. Bakit ba ganyan ka? Apektado ka pa rin ba dahil sa pang-iiwan niya sa 'yo noon?"
Nag-iwas ito ng tingin at saka nagbuga ng hangin. "Gella, please lang. Ayoko nang pagtalunan pa natin 'to."
"Gano'n ba kahirap sagutin ang tanong ko?"
"Ayoko lang na pag-awayan pa natin ang ganyan kaliit na bagay."
Napahawak siya sa balakang niya. Madali na siyang mangalay sa posisyon niya kapag nakatayo siya. "Hindi maliit na bagay 'to, Kelvin. Nakita mo lang ang ex mo, hindi ka na mapakali diyan. Kung hindi mo napapan
