“Anong balita? Nahanap ba ninyo si Governor?” tanong ni Miggy kay Roy.
“Wala pa, bro,” tugon nito sa kanya.
“May alam ka pa bang pwedeng puntahan ng Papa mo?” tanong ni Calleigh kay Brian.
“Wala na, Calleigh. Iyon lang ang alam kong mga property na maaari niyang pagtaguan,” sagot nito.
“Who is this Enzo Benavidez?” nagtatakang sambit ng kanyang kapatid na si DJ.
“Wala na akong alam na iba tungkol sa kanya. Pero madalas na kung may ipapagawa na mahalaga ang Papa, siya ang tinatawag nito,” sagot ni Brian.
“Ang inaalala ko, kilala ko si Ramon, sigurado akong gagawa at gagawa ng paraan iyon upang makaganti,” sambit ni Ambassador Villegas.
“Calleigh, nagpadala na ako ng tao sa rancho para sa magbabantay sa Lola mo at kay Yaya Carmen,” wika ni Roy.
“Salamat, Roy,” tugon nito.
“Wala ‘yon
