Hawak ang kamay ni Calleigh, taimtim na nanalangin si Juan Miguel. Ilang oras na lang ay isasagawa na ang heart transplant surgery. Halo-halong emosyon ang kanyang nararamdam nang mga sandaling iyon.
Dumilat siya at masuyong hinagkan niya ang mga kamay ni Calleigh. Bumukas ang pinto at pumasok si Ezekiel, Essex at Kyle. Ngumiti siya sa mga kapatid.
“Kuya, matagal pa ba?” bungad ni Essex. Umupo ito sa couch, ganoon din ang kakambal na si Ezekiel. Si Kyle naman ay sa pang isahang sopa naupo.
“Few more hours pa, kakakuha lang din kasi ng dugo kay Calleigh para suriin uli. Kailangan kasi clear ang lahat bago simulan ang operasyon,” sagot niya sa bunsong kapatid.
“You look tense,” kunot-noong usal ni Kyle.
“I’m worried,” matapat niyang sagot.
“Don’t be; everything will be okay. Ate Sofia
