Dana's POV
Kung hindi lang dahil sa kapatid niya ay umalis na siya sa restaurant na iyon, oo gusto niyang mabawi at maibalik sa pangalan ng kanyang mga magulang ang pamamahala no’n, kaya lang paano niya iyon gagawin? Lalo na at mukhang mahihirapan siya, sa laki ng halaga na kakailanganin niya para mabili ang ilang shares at mailipat muli ang pamamahala sa kanila.
Gusto na niyang sumuko pero sa tuwing nakikita niya ang mga magulang ay bumabalik ang kagustuhan niya na mapasa-kanilang muli ito.
Isa pa sa dahilan kung bakit gusto na niyang makaalis sa lugar ay dahil kay Claude, dahil hindi siya makaka-move on kung lagi niya itong kasama, alam niya at sigurado na siya na wala siyang pag-asa sa binata, maging Ana o Dana pa siya siguradong wala siyang mapapala.
Dala ang menu ay lumabas siya n
