EPISODE 41
KNOW THE TRUTH
GABRIELLA’S POINT OF VIEW.
Nakaalis na si Daddy, pero hindi pa rin mawala sa aking isipan ang kanyang sinabi sa akin. Natatakot ako dahil alam kong kayang gawin lahat ng iyon ni Daddy. Hindi ko gustong mamili, ayokong malayo sa pamilya ko, ayokong malayo sa anak ko.
Karga-karga ko ngayon si Gabriel at hindi ko mapigilang mapangiti dahil nakatingin siya sa akin habang nilalaro ang kanyang kamay. Kamukhang-kamukha niya si Aki at meron din siyang brown eyes kagaya ng kanyang ama. Hinalikan ko ang pisngi ni Gabriel at napahagikhik siya sa aking ginawa.
“Love na love ka ni Mama, Gabriel. Hindi ko ata kaayanin kung malayo ka sa akin,” nahihirapan kong sabi at niyakap ang aking anak.
Hindi ko kakayanin na malayo sa anak ko, hindi ko rin kakayanin na maghirap ang an
