NANDITO ako ngayon sa isang pribadong ospital. May appointment kasi ako sa isang doktor na espesyalista daw sa infertility. Sinamahan ako ni Mommy Aurora para malaman namin kung ano ang posibleng problema kung bakit ilang buwan na kaming kasal ni Xander pero hanggang ngayon ay hindi pa rin ako nabubuntis.
“I have a few questions for you Mrs. Altman, that may be awkward or embarrassing.” Tumingin ito kay Mommy Aurora. “Do you want to have your mother in law here with us or you answer it privately, just you and me?” tanong ng doktora sa akin.
Tumingin ako kay Mommy Aurora. Wala naman akong nakikitang rason para hindi sagotin ang kung ano mang tanong sa akin ng doktor sa harap ni Mommy Aurora. Wala naman akong tinatago sa kanya na pwede kong ikahiya.
“Wala pong problema sa akin dok.”
