HINDI ako makapaniwala sa ipinagtapat ni Norlyn sa akin. Hindi ko akalain na may pagkakahawig pala ang sitwasyon naming dalawa.
“Seryoso? Fake ang kasal niyo? Sino nga ulit ang asawa— I mean fake mong asawa?”
“Marcus Lopez ang pangalan niya. Isa siyang negosyante. Kaibigan din siya ni Senyorito Xander. Magkaklase pa nga yata sila noong high school eh.”
“Lopez? Sosyal ng apelyido ng fake husband mo, bruha.”
“Sshh. Huwag kang maingay. Sikreto lang natin dalawa ‘to,” saway nito sa akin habang nakalagay sa ilong ang hintuturo nito. “Nasa kontrata na pinapirmahan niya sa akin na bawal ko sabihin kahit na kanino ang tungkol sa kasal naming dalawa. Sinabi ko lang sayo kasi same same but different pala ang sitwasyon nating dalawa sa mga asawa natin.”
“Bruha ka. Bakit ka pumayag sa ganyan
