LESSON 26
“Black”
“ANONG si Principal De Vera?” Kunot ang noo na tanong ni Maira sa kanya.
Bubuka pa lang ang bibig ni Abby para sagutin ito nang may sunod-sunod na kumatok sa pinto ng kanilang kwarto. Walang iba naman iyon kundi si Principal De Vera dahil bukod sa kanilang tatlo ay iyon lang ang nasa bahay na ito.
Tatayo sana si Maira para buksan ang pinto kaya mabilis niya itong hinawakan sa kamay para pigilan. Umiling pa siya na para bang sinasabi niyang huwag niyang bubuksan ang pinto.
“Ano bang nangyayari sa iyo, Abby? Ang weird mo!” Inalis nito ang kamay niya dito at bumaba na ito ng kama para buksan ang pinto.
Naririnig niya ng bahagya ang pag-uusap ng dalawa pero hindi niya mawarian. Masyadong mahina ang pagsasalita ng mga ito. Maya maya ay bumalik na si Maira.
“A-anong sabi
