LESSON 30
“Final Exam”
“HAYOP ka! Wala kang isang salita! Pinatay mo ang nanay ko! Demonyo!” Wala nang kontrol sa pagsasalita si Abby dahil sa labis na paghihinagpis. “Ang sabi mo, buhay pa ang nanay ko! Sinungaling kang demonyo ka!”
Nang bumalik ang kanyang ulirat ay nakatali na siya sa upuan. Naroon pa rin siya sa basement ngunit wala na doon ang bangkay ng kanyang nanay. Kung saan ito dinala ni Teacher Noah ay hindi niya alam.
Isang mataginting na tawa ang pinakawalan nito. “Ang dali mo naman kasing maloko, Abby! Iyong video na ipinakita ko sa iyo na buhay pa ang nanay mo ay kuha bago ko siya patayin. Sa kamatayan din naman ang punta niya kaya pinadali ko na lang--” Naputol ang pagsasalita ni Teacher Noah nang may maulinigan silang parang kumakatok at tumatawag sa pangalan nito.
Na
