"HINDI pa tayo nakatitiyak kung ligtas na nga sa dulong bukid. Babalik na daw po ba sila sa kanilang kubo, Padre?", tanong ng pinuno ng baryo.
"Maaaring gan'on nga po, teniente. Kilala naman natin ang kasipagan ni Mang Julian.", agaw ng masipag na tagabantay ng baryo.
"Maaaring papasyalan nila ang kanilang kubo at ang mga pananim na iniwan at napabayaan.", sabad naman ng isa.
"Sumabay na siguro si Aling Idang upang manguha ng mga gagamitin sa panghihilot at pagpapaanak. Magkakasunod po kasi ang nanganak dito sa atin. Baka po naubusan na.", sabi rin ng isa pa.
"Marahil ay gan'on nga. Maraming bagong silang na sanggol ang nakatala sa listahang dinala ni Pining sa kapilya.", pagsang-ayon ni Padre Serafin.
"Kung sabagay ay nauunawaan ko ang kanilang saloobin. Marahil ay nakampante na sil
