"NAMAMALI lamang ba ako ng dinig sa sinabi mong bata ka?!", hindi makapaniwalang pag-uulit na tanong ni Aling Idang.
"Tama po ang nadinig n'yo, Aling Idang. Hindi ko po dala si Kalakian dahil sa nangyari sa kanya. Huwag po kayong matakot, kaya ko po ang lumipad habang yakap kayo. Gano'n po ang ginawa ko sa itay pauwi.", pangungumbinsi ni Alger sa nag-aatubiling matanda.
"Kailangang-kailangan po ng itay na malunasan agad at kayo po ang unang naisip ng lola na makakatulong sa kanya.", paliwanag pa rin nito.
Sandaling nag-isip si Aling Idang."Kung sabagay ay hindi siya papayagan ni Dalmacia na gawin ang ganito kung hindi siya tiwala sa kakayanan ng kanyang apo. At natitiyak kong malubha ang kalagayan ni Julian kung kaya't kahit maaaring malagay sa peligro ang buhay nitong panganay nila ay
