SABI ng siyensya, 'pag daw nakakarinig tayo ng bad news, kusang nagpi- filter ang utak natin para kayanin na tanggapin 'yon. Pero para kay Elice, invisible ang filter na 'yon sa sandaling nabasa niya ang hatid na balita ng papel na pinakuha niya kay Jera sa locker ni Marian Escobar.
Sa nanginginig na mga kamay ay muling pinasadahan ni Elice ang papel na nasa kaniyang harap. Pinasadahan na basahin at umaasa na sana ay wala talagang nakasulat na gano'n do'n. Na wala sanang gano'n katindi at kabigat na balita ang dala niyon.
Nakakatawa lang, kung paanong ang gano'ng papel ay napakadaling makakawasak ng pagkatao. Papel na may pirma ng mga espesyalistang duktor. Papel na tila sintensya na ang kahulugan dahil sa nilalaman. Sa nakasaad. Walang hindi mapapa- tang ina.
Tang ina lang talaga, sa
