"SANA ay napasaya kita tonight," biglang sabi ni Alejandro nang medyo malapit na sila nito pabalik sa apartment na inuupahan ni Angel.
"Tumawa naman ako kanina. Ang sarap kaya! Ang tagal na nang huli akong makakain niyon. Nang huling makapaglakad sa gabi nang ka--kasama ka." Sinulyapan ni Angel si Alejandro na nananatiling diretso ang tingin sa kalsada na nilalakaran nila habang nakapamulsa ang mga palad. "Ikaw nga ang seryoso r'yan, kanina pa! Oo nga pala, alam mo ba na hindi ko nakinita na ganyan ka na kasungit ngayon?"
Ang mga sinabi ni Angel na 'yon ay nagpatigil sa paglalakad ni Alejandro. Ngunit gaya noon, hindi talaga palakibo si Jan Sandoval sa tuwing may dinaramdam 'to na tulad ngayong gabi.
Oo, kahit na walang salita pa ang namamagitan at nagsisimula sa kanilang dalawa, Ange
