"Dad, wala ako sa mood makipag-usap," wika ni Pia nang piliting pumasok ng kaniyang daddy sa kwarto niya.
Ipinakuha ni Ben ang duplicate ng susi ng kwarto ni Pia sa kanilang kasambahay, at tagumpay niyang nabuksan ang pinto.
"Ano ba ang ginagawa mo sa sarili mo, Pia?" tanong niya sa anak.
Padabog na bumangon si Pia. Naglasing siya kagabi at buong maghapon siyang hindi lumabas ng kaniyang kwarto kinabukasan. Dinner na at hindi pa rin siya kumakain. Padabog siyang bumangon at hinarap ang ama.
"Hindi ako gutom, Dad. Please, leave me alone. Gusto kong mapag-isa," aniya sa ama.
"Nang dahil sa Tim na iyon ay nagkakaganiyan ka," ani Ben.
"Sinabi ba sa iyo ni Ate?" Napailing siya.
"Hindi. Pero sa tingin mo ba ay hindi ko malalaman? Sa publiko ka gumawa ng eskandali. Paanong hindi ko malala
