HEIRESS 15
Malakas na hangin ang umiikot sa buong lugar, madilim ang paligid ngunit kitang-kita mula sa malalayo ang nagtataasan na instraktura katulad na lamang ng building ng kanilang unibersidad, at mula naman sa kalangitan ay may iilang bitwin ang kumikinang sa tabi ng maliwanag na buwan.
Mula sa isang madilim na gilid, nakahiga si Mj habang tahimik na nakatingin sa kalangitan at dinadama ang malakas na hangin sa kanyang mga balat. Walang ibang pumapasok sa isipan niya, walang siyang ibang maramdaman, pakiramdam niya ay para lamang siyang hangin na nakahiga mula sa pwesto niya at may katawan.
Habang nagmumuni-muni ay naagaw ang atensyon niya ng madinig ang pagbukas at pagsara ng pinto na hindi kalayuan sa kanyang pwesto. Napabuntong hininga na lamang siya at umupo mula sa kanyang pa
