Kagaya nang sinabi ni Jordan, hinatid namin si Alicia sa ospital. Nakilala ko ang kaniyang ina pati na rin si Anya.
Naka-confine ang huli dahil sa sakit na dengue at halos mangiyak-ngiyak na ikinuwento ng kanilang ina na ‘di pa sila nakakahanap ng blood donor.
Wala rin silang pera panggastos kaya sinubukan ng ama ng magkapatid na lumapit sa mga sangay ng gobyerno.
Emosyonal ako nang marinig ang mga kwentong iyon ng ina nina Alicia at Anya.
Hindi ko naranasang maging mahirap dahil hindi iyon ipinaranas sa aming magkakapatid.
Nang tumingin ako sa gawi ni Jordan na nasa labas ng silid ay may kausap siya sa telepono. Hindi ko alam kung sino pero siguradong may kinalaman sa sitwasyon ng pamilya nila Alicia.
Maya-maya’y dumating ang ama nina Anya at Alicia na may dalang prutas. Inilapag
