Nang magmulat ako ng mga mata ko, nakatunghay na mukha ng pamilya ni Jordan ang aking nasilayan.
Pawang nag-aalala ang kanilang mga mukha habang nakasuot pa rin ng gown at barong na suot nila mula sa simbahan.
“Thank God at gising ka na!” Nilingon ko si Jordan na iniluwa ng pintuan.
“Anak, anong sabi ng doctor?” tanong ni Tita Jona na halatang-halata ang labis na pag-aalala.
“Mabuti at gising ka na!” Lumantad si mommy mula sa likuran ni Jordan.
Seryoso ang mukha ni mommy na tila malaki ang nagawa kong pagkakasala sa kanila.
Sunod na pumasok sa may pintuan sina daddy, Lawrence, Jermaine at ang bunso naming kapatid.
“Nagugutom ako!” nakalabi kong sabi.
“Hindi ba kayo nagugutom?” dagdag ko pang tanong sabay tingin sa lahat ng mga taong naroroon.
Lumapit sa'kin si Jordan sabay yukod
