Hindi ko kinikibo si Jordan hanggang sa nakauwi kami ng siyudad. Isinama na rin namin sa pagbiyahe ang batang si Justin.
Wala talagang bahay ang bata nang ipilit namin siyang ihatid ay sinabihan kami ng bantay sa store na tambay si Justin roon kaya naman inuutusan na lamang nila kapalit ng makakain nito.
Umiral ang pagkamaawain ko kung kaya sinabihan ko si Jordan na isama na lamang si Justin.
Iyon ay para malaman din namin ang katotohanan sa pagitan nilang dalawa. Ayaw pa kasing aminin ni Jordan ang katotohanan kaya 'di ko siya kinikibo hanggang ngayon.
Saka ko na lang din siya kakausapin kapag naisipan na niyang aminin ang totoo.
"Honey maniwala ka naman sa'kin, hindi ko nga anak si Justin." Nagsusumamo ang kaniyang tinig nang sabihin iyon.
"Malalaman naman natin iyan kapag nakuha
