Tinanaw ko ang lalim ng bangin kung saan tuluyang nakitlan ng buhay ang aking kapatid na si Kuya Kyle.
Sa pag-iimbestiga ko, nagbakasakali ako at umasa na buhay pa siya. Bawat kalapit na lugar ay ipinagtanong ko ang tungkol sa aksidenteng naganap noon at ang aking pagbabakasakali ay tuluyang natuldukan.
Patay na talaga si Kuya Kyle dahil may lalaking nakakita sa kaniya at nang subukang lapitan siya ay nagliyab na ang sasakyan.
Nasa sulok na bahagi ng puso ko ang panghihinayang dahil hindi ko man lamang nakilala sa personal ang aking kapatid sa ama.
Buong buhay ko’y ang tanging alam ko ay nag-iisa lamang akong anak. ‘Di ko alam na nagkaroon ng relasyon sa ibang babae ang aking ama sapagkat wala namang naikwento si mommy.
Kung hindi pa namin nakita ni Jela si Justin sa lugar kung saan
