Hinang-hina si Zyros ng habang naglalakad na pabalik sa kuweba nila ni Jackie. Pakiramdam niya ay dumodoble ang paningin sa buong paligid. Masakit din ang kanyang ulo kaya napapahawak din siya dito. Hindi pa rin tumitigil ang malakas na pintig ng kanyang puso na animo'y isang tambol sa lakas.
Kailangan niyang makabalik sa kuweba bago mag-umaga. Hindi dapat malaman ni Jackie na umalis siya dahil mag-aalala na naman iyon sa kanya. At hindi din pwede malaman ni Jackie ang kalagayan niya dahil baka mas lalo pa itong mag-alala.
Makalipas ang ilang minutong paglalakad ay nakarating na rin siya sa kuweba. Kahit nanlalabo ang paningin at halos hindi na mabalanse ang katawan dahil sa kakaibang pakiramdam ay pinilit niya 'wag makalikha ng ingay habang papalit sa natutulog na asawa.
Mabuti na lang
