"N-Nadine sandali—" Mas tumindi ang kaba ko ng kuhanin nito ang cellphone ni Jino para makita ng maayos ng picture.
"Maaaa!" Mahabang ngawa nito na mas ikinatakot ko. "Alam mo bang nagdala siya ng babae sa school noong nakaraan?" Natakot ako ng iharap niya sa akin ang cellphone ni Jino, pero agad iyong nawala ng makita ko ng buo ang picture. Hindi kita ang mukha ko dahil nakatalikod ako sa kuhang iyon habang magkahawak kami ng kamay. Naalala ko ang sandaling iyon, hinihintay namin ang order naming burger sa food stall, at may nakita siyang couple sa di kalayuan na kumukuha rin ng pictures. Gusto nyang gayahin namin iyong ginagawa nila. Nakatalikod ang babae at nauunang maglakad habang magkahawak sila ng kamay, at tanging ang kamay lang ng lalaki ang kita sa larawan. Iyon ang picture namin
