"lPababa na ako ng hagdan nang makita ko ang bata na nahulog sa upuan, nakatungtong kasi ito sa upuan. Kaya nagmadali akong lumapit dito. Pansin kong putok ang noo nito at umiyak nang malakas.
"Anong ginawa mo sa anak ko?!" hiyaw ng ina ng bata, mabilis nitong inagaw sa akin ang anak nito.
"Anong ginawa mo sa anak ko?!" ulit na hiyaw nito sa akin.
"Wala akong ginagawa sa anak mo nakita ko siyang nahulog, kaya lumapit ako sa kaniya!" inis na wika ko.
"Sinungaling!" hiyaw nito.
"Anong nangyayari rito?" tanong ni Hendrex.
"Itong babaeng ito sinaktan ang anak ko," sumbong kay Hendrex.
Galit na tumingin sa akin si Hendrex. Kaya umiling lang ako rito.
"Diyos! Ang daming sinungaling sa mundo!" malakas kong bigkas bago tumalikod sa dalawa. Nakita ko pa nga na kinuha ni Hendrex ang bata.
