~ "DAPAT dito silber kliner ang ipinapainom para tapos na. Tang-ina! Masyadong pahirap!"
Dahil sa narinig, may pumasok agad sa kanyang isip.
Hinintay niyang gumabi, tulog si Toni, muling natulog si Bubbles sa tabi nito. Malalim na ang gabi nang magkunwari siyang inaantok. Nilapitan siya ni Labo at sinabihang pumasok sa loob at matulog na rin. Hindi muna siya kumilos.
''Sige na, magpahinga ka na muna. Makakasama sa'yo ang palaging napupuyat. Ako na muna ang magbabantay sa Mamay mo.''
'Yon ang hinihintay niya, ang pilitin siyang pumasok sa loob ng bahay nila. Pagkapasok, naglatag siya ng sapin. Nahiga at nagkumot. Maya-maya'y narinig niya ang paglapit ng yabag sa pintuan. Bahagya lang ang liwanag sa loob ng bahay nila. Ganunpaman ay pumikit pa rin siya upang magkunwaring tulog. Sandali
