MULING nanariwa sa alaala niya ang nakaraan. Ang mga monster na pumasok sa loob ng bahay nila.
Anim! Anim na evil monster ang pumatay sa kanyang mga magulang, kuya, at sa kawawa niyang ate. Sinaktan din ng mga salbahe ang ate niya, gaya ng kanyang Mamay Bibeng.
Natatandaan niya, may isang lalaking nag-uutos. Boss ang tawag. Iyon ang sinusunod ng mga kasamang nagngangalang, Uno, Dos, Tres, Kwatro at Singko. Iyon ang lider ng lima. Pero alam niyang hindi iyon ang totoo nilang pangalan. Kaya mahihirapan siyang hanapin ang mga ito paglaki niya. Isa lang ang sigurado, hinding-hindi niya makakalimutan ang mukha at hitsura ng mga ito.
Kung nakilala niya agad ang kanyang Mamay , sana'y nalaman niyang bumabalik pala ang kriminal sa pinangyarihan ng krimen. Sana ay naipahuli niya sa mga pulis.
