Aoi
Ang buhay ay isang napakalaking palaisipan. Walang sino man ang makakahula, kung ano ang p'wedeng mangyari sa araw ng bukas. Walang sino man ang makapagsasabi kung sino ang nandiyan para sa 'yo kapag dumating ang panahon— na kahit ang sarili mo ay hindi mo na maintindihan.
Katulad nang nangyayari sa akin ngayon.
Akala ko, ang kahirapan sa buhay ang pinakamalalang p'wedeng maranasan ng mga tao sa mundo na ito. Pero hindi pala, dahil para sa akin ay wala nang mas titindi pa sa sitwasyong tanggalan ka ng kalayaan na mamuhay nang naaayon sa iyong nakasanayan at naisin sa buhay.
Nagising ako ngayon na maraming napagtanto sa aking sarili. Isa na ro'n, na hindi palaging patungkol sa magagandang kabanata at pahina ang kailangang mangyari sa buhay ng tao— sa buhay ko.
Mayroong mga oras
